0
Кітапта 2022 жылдың қаңтарында болған саяси оқиғаға арнайы қатысқан немесе жай ғана куәгері бола тұра зардап шеккен жеті адамның тағдыры беріледі. Деректі хикаятта кейіпкерлердің сол күндері көрген-білген, бастан кешкен оқиғасы, қайғысы мен қасіреті баяндалады. Бұл кітап саяси немесе сараптамалық дүние емес. Кітап үлкен саяси оқиғалар кезіндегі қарапайым адамның тағдырына қызығатын қалың көпшілікке арналады.
0
Құстар мәжілісі – парсы ақыны Фәруридин Әттардың «Мантик ат-таир» шығармасының қазақ тіліне жасалған алғашқы көркем аудармасы. Шығарма парсы және шығыс әдебиетіне, оның ішінде сопылық әдебиетке қызығатындарға, сондай-ақ рухани ізденісте жүрген көпшілікке арналады.
0
Бұл дәптер – «Отбасындағы 30 сабақ» оқулығының балаларға арналған жұмыс құралы. Мұнда оқулықта берілген 10 тапсырманың жаттығулары жазылды. Яғни логикалық есептер, ребус, кроссворд, лабиринт, айырмашылық табу, бояу, Шульте кестесі сияқты жаттығулар берілді. Балалар жаттығуларды орындау үшін осы дәптерді қарындашпен бояп, сызып, көп нүктелердің орнына тиісті сөздерді жаза алады. Жаттығу дәптері ата-ана мен балаларға, мұғалімдер мен оқушыларға арналған.
0
Бұл кітаптың ішінде балалардың таным-түсінігіне арналған ертегілер, шешендік сөздер, қара есептер, мысал өлеңдер, әңгімелер, тарихи аңыздар енген. Кітапты ата-ана мен бала бірге оқуы керек. Себебі кітаптың ішіндегі тапсырмалар ата-ана мен балаға ортақ. Кітап ата-анаға, балаларға, мұғалімдерге педагогикалық материал ретінде ұсынылады.
0
Бұл кітапта Әзірет Сұлтан – Қожа Ахмет Яссауи бабамыздың «Диуани хикмет» кітабы қазақшаға аударылып беріліп отыр. Жалпы «Диуани хикметтің» бірнеше нұсқасы бар. Соның ішіндегі парсы тілінде жарық көрггн нұсқасына тәржіма жасалды. Кітаптағы сөйлемдерді мейлінше қаз қалпында беруге тырыстық. Сондықтан хикметтердің тілі ауыр, сөйлем құрлысы күрделі болуы мүмкін. Кітап Қожа Ахмет Яссауи мұрасына қызығатын оқырман қауымға арналады.
0
Бұл кітапта XXI ғасырдың ең үлкен проблемасына айналған экзистенциялық фрустрацияның қазақ қоғамындағы пайда болуы мен таралу себептеріне экзистенциялық анализ жасалады. Әлем бойынша өзінің тарихи жадынан айырылып, ана тілі мен төл мәдениетінен көз жазып қалып, рухани тоқырауға тез ұрынған халықтың бірі – қазақ жұрты. Жалпы адам болмысының іштен бөлшектенуі XXI ғасырда жаппай белең алған қауіпті құбылыс саналады. Әзірге өз мәдениеті мен тарихы терең тамырына үңілуге қабілетті, сауатты елдер ғана бұл дертпен сәтті күресіп жатыр. Біз де осының қазақша нұсқасын жасадық. Кітап қазақ мәдениеті мен танымына қызығатын оқырманға арналады.
0
Бұл кітапта Сандыбад атты жиһанкездің басынан өткен қызықты оқиғасы берілген. Бұл оқиға – «Мың бір түн» ертегілер желісінен алынған. Ертегіні заманында Қалмақан Әбдіқадыров, Қайым Мұхамедханов сынды жазушылар аударған. Біз сол аудармаларды және орыс тіліндегі нұсқаларын жинақтап, редакциялап, мәтінді балалар тіліне лайықтап беріп отырмыз. Кітап қиял-ғажайып ертегіге қызығатын оқырманға арналады.
0
Кейқауыс деген патша 63 жасқа келгенде өзінің ұлы Ғиланшахқа арнап өсиетнама кітабын жазады. «Менің дүниедегі жиып-терген ең қымбат асыл қазынам – саған арнап жазған осы үгіт-насихат кітабым», – дейді. Кейін бұл кітапқа патшаның есімі тіркеліп Қабуснама деп аталады. Бұл кітап XI ғасырдан бастап Шығыс елдерінде өте кең таралады. Тіпті XX ғасырдың басына дейін өзекті дүниеге айналған. Бұл кітапты қазақ тіліне 1973 жылы Тұрсынәлі Айнабеков деген абыз ақсақал аударып, қазақша сөйлеткен. Сол кісінің еңбегін қайта басып отырмыз. Кітаптың мазмұны адамгершілік, әділдік, ар-ұят, махаббат, мейірім, жауапкершілік сияқты рухани феномендерді насихаттайды. Кітап Шығыс даналығы мен мұрасына қызығатын оқырманға арналады.
0
Бұл кітапта Шығыстың жеті жұлдызының бірі – Омар Хайямның «Наурызнама» атты рисаласы берілген. Мұнда Наурыз мерекесінің пайда болуы жайлы хикаялар, парсы жұртындағы наурыз ғұрыптары жайлы аңыздар ұсынылады. Одан бөлек Шығыстың бірнеше шырынды хикаялары да қамтылған. Кітаптың соңғы жағына Шығыстың тағы бір жұлдызы – Тирмизидің «Наурызнама», «Салнама» сияқты рисаласы аударылып ұсынылды. Сосын Мәшһүр Жүсіп Көпейұлының «Наурызнамасы» да жинақталып берілді. Кітап шығыс даналығына, хикметіне қызығатын оқырманға арналады.
0
Бұл кітаптағы аңыздар Отбасы хрестоматиясы сериясымен шыққан «Яссауи феномені» кітабынан ықшамдалып алынды. Кітапта Қожа Ахмет Яссауи мен оның шәкірттері жайлы аңыздар берілген. Кітап Қожа Ахмет Яссауидің өмірі мен хикметіне қызығатын оқырманға арналады.
