Чудеса XXI века. Италия. Акафист Пресвятой Богородице в честь чудотворной иконы Ее «Пристанище»

Тропарь, глас 4

Радуйся, Обрадованная Богородице Дево, / Пристанище и Предстательство рода христианского, / из Тебе бо воплотися Избавитель мира. / Умоли Христа Бога / даровати вселенней велию милость.

Кондак, глас 8-й:

В море житейстем обуреваемии, треволнению подпадаем страстей и искушений. Подаждь убо нам, Госпоже, руку помощи, якоже Петрови Сын Твой, и ускори от бед избавити ны, да зовем Ти: радуйся, земное и Небесное Пристанище.

Величание

Величаем Тя, / Пресвятая Дево / Богоизбранная Отроковице / и чтим образ Твой святый, / имже точиши исцеления / всем с верою притекающим.

Кондак 1

Избранной от века Помощнице и Попечительнице в житейских скитаниях, надежному Прибежищу во всяких нуждах и обстояниях,

к вечному покою Путеводительнице Преблаженней, Сладчайшей Деве Богородице, Пречистей и Преблагословенней, имущей оружие на супротивных несумненное, к Сыну Своему и Богу нашему Матернее дерзновение, вознесем похвалы наша смиренныя небурному Пристанищу всему роду христианскому, всем, в радости поющим и взывающим: Радуйся, земное и Небесное Пристанище чад Твоих, в заступлении нуждающихся.

Икос 1

Ангелов Творец изволи совершити о Тебе, Дево, дивное таинство таковое: Принесен был Первообраз Твой иконописцем на место святое, во храм Тарасовский в память о трагической кончине дщери – отроковицы. Воплотил он земную скорбь в образе Небесной Царицы. Многажды послежде претерпе преображения Лик Твой Пречистый в дланях неумелых мирских живописцев, доколе Сама не изволила благое иго сие подъяти, укрепив маловерных неколеблемо в вере стояти, вразумив непослушных, да таковые исправятся, призвав грешников гласом велиим, да таковые покаются, лишь на Господа Всемогущего в скорбях уповая, и все вкупе в веселии воспоют Тебе таковая:

Радуйся, всех христиан при Кресте Сына Твоего усыновившая, Радуйся, на земли нашей многострадальней мир водворившая. Радуйся, пред Сыном Своим и Богом выну Предстоящая, Радуйся, за спасение рода человеческого Его непрестанно Молящая. Радуйся, всех скорбящих и угнетенных Мати благосердая; Радуйся, всего Христианского мира Заступнице Усердная. Радуйся, поклонятися Пресвятей Троице нас сподобляющая. Радуйся, печаль и скорбь нашу в радость претворяющая. Радуйся, старцев благоговейных сладостное успокоение, Радуйся, честных браков христианских благое устроение. Радуйся, земное и Небесное Пристанище чад Твоих, в заступлении нуждающихся.

Кондак 2

Боготечною звездою мир Небесный, Владычице, осветила, но земных чад Своих, в скорбях пребывающих, не забыла. До времени безымянная, на земле Тарасовстей во храме Успения, послужила икона Твоя для чтущих память Твою во спасение. Освятившись благодатию пребывания в сем храме преславнем, благоизволила явити Себя миру во образе православном. Яко утверждение непреложное веры истинныя и небурное Пристанище для вопиющих Богу: Аллилуиа.

Икос 2

Воистину непостижима милость Твоя, Пречистая, к заблудшим, Любовь и сострадание ко всем, во тьме греховной сущим. Избрав рабу Свою, несведущую в иконописании, Ты благословила, дабы Образ Твой живописный в соответствии с канонами изменила. Даровала Ты рабе сей дерзновение Тебе послужити, Лик Пресветлый Твой во Православныя одежды облачити, дабы всяк, приходяще, на икону сию взирая, воспевал песнь Богородице, с умилением взывая:

Радуйся, в пределах Киевских славу чудес Твоих проявившая, Радуйся, на земле Тарасовстей Себя Пристанищем страждущим явившая. Радуйся, покрывати женам плечи и главу вразумляющая; Радуйся, святоотеческую православную веру непорочну сохраняющая. Радуйся, от уныния опущенные долу руки укрепляющая; Радуйся, изнемогающия очеса зрением иконы Твоея увеселяющая. Радуйся, вражды и нестроений в мире бренном разрушение, Радуйся, семейств, в благочестии живущих, благословение, Радуйся, всех, за правду стоящих, твердое защищение, Радуйся, Похвало наша Всепетая и Утешение. Радуйся, земное и Небесное Пристанище чад Твоих, в заступлении нуждающихся.

Кондак 3

Ветхий корабль человечий сокрушает неистовая буря сомнений. В бурном море житейстем вздымаются волны мирских попечений. Не ведаем, где обрящем мы, сирые, Пристанище спасения, токмо на Тя, Матерь Божия, возложим надежду и дерзновение. Имуще Попечение Твое, Поборнице на супротивныя, молим Тя слезно: помози нам, Владычице Предивная, Дево Непорочная, к иконе Твоей, как к Пристанищу, прибегаем, взыскати Тобою безпреткновенный путь спасения уповаем. Теплые моления к Тебе, Пречистая, не возносим всуе, яко можеши помощи всем верным, взывающим Богу: Аллилуиа.

Икос 3

Странно и дивно есть зрети чудо сие, недоступное плотскому разумению, колеблют умы наша мятежныя смущения и недоумения: како мы, многогрешнии и недостойнии, возможем дерзати Тя, Пренепорочная Владычице, достодолжно восхваляти. Предузрев явление Образа Твоего, старец – духовник Лавры Почаевския, Божиим Промыслом преднаименова Его «Пристанище», очесами духовными силу и изобилие чудес прозревающе, чрез дивный Образ сей всем верным произтекающих, пристанище даруя людям православным, с Богом сущим, благодарящим Тя всеусердно и во умилении вопиющим:

Радуйся, людей озлобленных, к Тебе притекающих, умиротворяющая, Радуйся грешников к слезному покаянию понуждающая. Радуйся, погрязшие в греховной пучине души возрождающая, Радуйся, всем, обуреваемым страстями, мир и тишину посылающая, Радуйся, прельщенных бесовскою прелестию на путь правый обращающая. Радуйся, в пристань послушания и благочестия направляющая, Радуйся, болезни душевные вкупе с телесными исцеляющая, Радуйся, болящих, поврежденных разумом, просветляющая. Радуйся, яко людей, невинно осужденных, свобождающая, Радуйся, яко страждущих в темничных узах посещающая.

Радуйся, земное и Небесное Пристанище чад Твоих, в заступлении нуждающихся.

Кондак 4

Проповедует, Богородительнице, мир христианский чудеса Твоя. Купно с ним утверждаемся и мы в силе благодати Твоея, во вся времена через святые иконы Твои изливаемой, по неизреченной милости Твоей в помощь нам посылаемой. Всем, хотящим спастись и в разум истинный прийти, Ты внимаеши, аки свеща возженная, грешником шествовати ко спасению научаеши. Слышащи воздыхания всех, к иконам Твоим притекающих, на Тебя, Преблагословенная, непреложно уповающих, непрестанно исполняющих волю Божию всеблагую, Сыну Твоему и Богу нашему возглашающих благодарственную песнь: Аллилуиа.

Икос 4

Странное чудо зря, раби Господни ужаснулись и вострепетали, егда волю Твою вразумити живописца, без веры поправлявшего ризы Твоя, познали. Якоже икона Твоя, поднявшись на воздусе, Собою дверь затворила, и не одолел он, доколе не покаялся, двери сей и Твоея силы. Милосердно вняв его слезному молитвенному прошению, вновь взлетела икона Твоя, и во время оно, свободив из заточения живописца сего, скорбь велию в тот час пережившего, в страсе Божием и трепете благодарным сердцем и усты возопившего:

Радуйся, в роде христианстем дивная чудеса совершающая; радуйся, через чудотворную икону Твою нас умудряющая. Радуйся, заблудших от уз неверия странно разрешающая; радуйся, пред неверными Нерушимую стену воздвизающая. Радуйся, всякое дело злое и богопротивное разрушающая; радуйся, ко всякому делу благому и богоугодному направляющая. Радуйся, в искушениях и скорбех молитися вразумляющая, Радуйся, гордых умом и гневом палимых смиряющая. Радуйся, сердца злых людей, враждующих противу нас, умягчающая, Радуйся, советы лукавыя и коварство их разоряющая. Радуйся, земное и Небесное Пристанище чад Твоих, в заступлении нуждающихся.

Кондак 5

Спастися хотящим нам, утомляемым страстей нахождением, Ты, Царице Неба и земли, еси благонадежное Пристанище и Заступление. О, Мати Сладчайшая, избави нас от глубины тимения, руку помощи подаждь от страшного в отчаяния бездну падения. Дабы не погрязли мы посреди волн беззаконий наших, дабы не стали добычей демонов, погубити души людские хотящих. Изволила Ты, Владычице, во спасение душ Православных явити верным икону Твою всеславную. Мы же к Всещедрому Господу, даровавшему икону Твою святую, песнею Ангельской неленостно воззовем: Аллилуиа.

Икос 5

Силою благодати Твоея, от Чудотворного Образа изливающейся, возвращена была во храм Тарасовский икона Твоя «Пристанище», представшая в храме сем благодатном для неустанного поклонения верным, дерзающим с благоговением просити о Покрове и Заступлении. Да обрящут немощные в Тебе Нерушимую Крепость спасения, люди сирые, бездомные, странные и убогие велие утешение; вси безпомощнии в скорбнии дни житейских испытаний да не злобятся

и Тебе, Заступнице, похвальную песнь воспети тако сподобятся:

Радуйся, всех обидимых и огорченных возвышающая, Радуйся, ненавидимых и всеми отверженных честию величающая. Радуйся, горестные рыдания обидимых прекращающая; Радуйся, в скорбех и обстояниях молитися вразумляющая. Радуйся от злаго обстояния враг видимых и невидимых избавляющая. Радуйся, скорое услышание в скорби пребывающия. Радуйся, токи слез людских милостивно отирающая; Радуйся, сердца жестокосердых и неприступных сокрушающая. Радуйся, от тьмы пагубных страстей заблудших разрешающая; Радуйся, нищих, сирот и вдовиц любовию покрывающая. Радуйся, земное и Небесное Пристанище чад Твоих, в заступлении нуждающихся.

Конец ознакомительного фрагмента.

Текст предоставлен ООО «ЛитРес».

Прочитайте эту книгу целиком, купив полную легальную версию на ЛитРес.

Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.