Монда без дә бар әле! / Мы тоже здесь живём!
Монда без дә бар әле! / Мы тоже здесь живём!
Кая гына карама!
Кайчагында кешеләр дә
Очрап куя арада.
Кеше булып туу бер хәл.
Тугачтын, димәк, әле
Кеше булып яшәргә дә
Кирәк шул, кирәк әле!
7.10.09
Шул менә…
Сагынам яшь чакларымны,
Сагынам бертуктамый.
Һәммәсе дә – күңелемдә…
Юк, хәтерем йокламый.
Яшимен мин яшьлегем һәм
Картлыгым арасында,
Яшимен мин сагышым һәм
Шатлыгым арасында…
Кемдер сүз чыгарган анда:
Шагыйрь картайган, имеш.
Ышанма син: дәртләрем дә,
Дәрманым да шул килеш!
Гомер буе юләрләнеп
Сөйдем, сөям, сөярмен!
Моннан соң да: «Сине сөям,
Сине генә!» – диярмен…
Йөрәк ул минем яшьтә дә
Яна икән шул менә…
Янган йөрәк тулы татлы
Яра икән… Шул менә!
Бу башларым, сөю диеп,
Ниләр күрмәде инде?!
Нишлим, шушы яшемдә дә
Акыл кермәде инде.
Мәхәббәт акылсыз була!
Шуны белмәскә инде…
Бер кермәгәч, хәзер безгә
Акыл кермәс тә инде.
8.01.2010
Серләребез сыя…
Эстәрлетамакта яшәүче талантлы
шагыйребез Салават Рәхмәтуллага
Синең белән очрашкан да булды,
Күрешкән дә булды берничә…
Беренче кат күрешкәнем истә,
Кем икәнеңне дә белмичә.
Туры килдек бергә Казаннарда,
Очраштык без Авыргазыда.
Менә шундый сирәк очрашулар…
Истә кала икән азы да.
Янәшә дә утырган идек без,
