Нарзулла Жураев - Нитше таваллоси

Жаҳон фалсафий тафаккурининг йирик намояндаси Ф.Нитшенинг “Зардушт таваллоси” (“Так говорил Заратустра”) асари ўзининг жўшқин ва эҳтиросли ғоялари билан алоҳида ажралиб туради. У инсон ва ҳаёт фалсафасини ва қалб изтиробларини Зардушт орқали ифодалаган эди. Ўз давридаги маънавий таназзул, ахлоқий инқироз ҳақидаги дардчил фикрларини Зардушт билан юзма-юз мулоқотда баён этган эди. Таниқли олим Нарзулла Жўраев эса Зардушт фалсафий тафаккурининг меросхўри сифатида ўзининг инсон ва жамият, кишилик ҳаёти ва унинг кечинмалари ҳақидаги кузатишларини Ф.Нитше орқали баён этади. Бу илмий-фалсафий мулоқотда Нитше фалсафаси ўзига хос тарзда тадқиқ этилади.